Formaziun profescionala tl ciamp sozial

Comunicat stampa di 11/03/2026 

Ince en chësc ann pita da d'altonn la scora profescionala provinziala por les profesciuns soziales Hannah Arendt a Bornech le curs de formaziun profescional por operadú/operadëssa sozio-sanitar/a a Bornech. La formaziun é organisada te 23 blocs didatics, vigni döes edemes dal mertesc ala jöbia, da setëmber 2026 a otober 2027. 

Chësta sort de formaziun é na ocajiun ideala por dötes les porsones che chir n reorientamënt profescional por mëte man na cariera significativa y da sodesfaziun. Les poscibilités profescionales desvalies pitades dal diplom de operadú/operadëssa sozio-sanitar/soziala é dötes liades a na gran reconescënza: le rí lominus de n möt cun le sindrom de Down, la tocada de na man de na porsona atempada che á debojëgn de aiüt, le rí de n jonn cun n desturb autistich, le sëgn de reconescënza de n parënt. Vigni de capësc les operadësses y i operadus dl sozial tan prezius che so laur é. A chi che oress na mudaziun tl ciamp dl laur, ti pita la formaziun dopla sciöche operadú/operadëssa sozio-sanitar/a a Bornech, anfat de ci eté, la poscibilité da gní tuc sö ti sorvisc soziai y da stlü jö paralelamënter la formaziun. 

Les poscibilités de laur é desvalies, sciöche ince les ativités instësses. Les porsones che se diplomëia á deplü poscibilités de laur y pó chirí fora da lauré cun porsones cun handicap o cun maraties mentales, ti sorvisc de assistënza ambulatoriala o tles ciases de palsa. An pó ciamó se scrí ite ala formaziun part-time duala a Bornech. Les porsones interessades pó contaté diretamënter la scora profescionala provinziala por la profesciun soziala Hannah Arendt al numer +390471 973494. 

Chi che á interes da ciafé n laur tl ciamp sozial y oress stlü jö la formaziun dopla, pó contaté diretamënter la direziun di sorvisc soziai dla Comunité Comprensoriala Val de Puster al numer +390474 412920 o tres e-mail ala adressa direktion.sozialdienste@bzgpust.it. 

Por deplü informaziuns contatëia l'aministraziun generala dla Comunité Comprensoriala Val de Puster al numer +39047412926, pr@bzgpust.it. 

12/03/2026